To se jim zamówiało



Pobieranie 0.96 Mb.
Strona30/43
Data28.04.2016
Rozmiar0.96 Mb.
1   ...   26   27   28   29   30   31   32   33   ...   43

BOHEMIA

Społ żech aż do połednia. O 16.00 do nas prziszeł Wojtek, jeśli niezóndymy na golonko do polski knajpy. Yny że problem. Niedziela a tym padym ganc narwane. Tak nas napadło, że by my też roz mógli zónść do tej czeski knajpy, kiero se nazywo Bohemia. Po ceście my se bawili na tyn temat, co mie roz napadło, jak my szli z granio od Akropolis. Kupić polaroid a robić Polokóm a inszim gastarbajtróm fotki z denekóm na ramiyniu. A w pozadi Akropolis. Móg by to być dobry rizling a ku wyzkuszaniu by starcził yny krok. Prostě zegnać tyn foťák.

Czeskóm putyke my naszli w pohodě. Była ale na nasz wkus kapanek nóbl. Wyrchni był sympaťak. Żradło dobre. Vepřo-knedlo, smażóny syr, gulasz z knedlikym. Piwo Plzeň, Budwar a Amstel. Ty nasze piwa nieszło srownać z tym Amstelym. Też ale były za 400 Dr. a Amstel yny za 150. Personal był czeski. Kapke dokuczili Wojtkowi, ale zebroł to z wielkóm rezerwóm. Hned jak my tam prziszli, tak tyn kelner prawił:

- Čechy tady vidím rád, ale Poláky - ty hned vyhazuju. Neumí se chovat. Vždycky se ožerou a dělají mi tady bordel.

A my mu przikiwowali a nieskorzi nóm doszło, że Wojtek je miyndzy nami, także to było aj na jego adrese. Kapke nas to potym mierziało.

POLI KRASII II

Pieszo my z Bohemie wyrazili ku stanicy Viktoria. Wszecy szli do chaupy, bo rano trzeba iść do roboty. Yny Janek był bez roboty, tak mie zwerbowoł do naszi suflaczarnie na Krasii. Mastora jak mie tam uwidzioł, tak se uśmiychoł a twierdził, że kupa wina fakt nima dobre. Wszak niech se yny spómnim na wczora. No co? Mioł prowde. Przesto my se z Jankym tak rozchlastali, że to dopadło gorzi niż wczora. Wypili my do kupy asi sztyry litry wina a eszcze my naczepowali do flachi od CocaCole. Przed gospodóm żech jóm pry Jankowi wyrwoł z rynki a zacznył uciekać smierym ku nadrażu. Aż tam żech se spamiyntoł. No to była siła. Isto mie to tam rwało tymu, bo se mi uż chciało strasznie do chaupy. Wina było dość, ale niebyło go z kim wypić. Na perónie siedzieli synek z dzieuchóm. Zacznył żech ich otrawować. Zkiyl jako sóm a podobnie. Prawił mi, że z Kanady. Jak żech mu powiedzioł, żech je z Československa, tak ón mi na to, że uż był dwa razy w Pradze.

- No krasne. Napij se zy mnóm wina.

Z poczóntku niechcioł, ale potym se napił a zaś a pił coroz wiyncej. Ta dzieucha se uż z nim wadziła, aż tego niecho, ale ón po ni zwarczoł:

- Shut up!!!

A był klid. Ćma. Cosi mie strasznie picho do żeber, aż mie to obudziło. Odewrzym oczi a tu uklizeczka a picho do mie śmiatokym a cosi wrzeszczi o zasranych Albanosach. Wypłoszóny jak cyp żech se rozglóndnył kole sebie.

- Kaj żech to wubec je? Co tu wubec robim?

A tak żech zjiścił, że spim na nadrażu na jakichsi rozłożónych papundeklach pod kasóm. Dźwignył jo se na nogi a hónym zacznył uciekać. Naskocziłch do piyrwszigo autobusu a tyn mie odwióz aż na jakisi peryferie Athen. No do prčic! Co teraz? Tym samym autobusym zpatki. Yny że problem. Kaj móm prukazke? No przeca w somraczce. Kaj móm somraczke? Asi na nadrażu. A co żech mioł eszcze w somraczce? Same niepotrzebne wiecy, praktycki zbyteczne. Praktike, szrajtofle a klucze od kwartyru. Radość jak cyp. Eszcze żech tam nimioł pas a marynarskóm ksiónżke. Wystómpił żech na Omunii a wlóz do metra. Było takich osiym godzin. W jednej sztwórce siedziały dwie Polki z Polokym. Siednył jo se ku nim a pytoł se jich, czi wiedzóm, czymu z nimi jadym. Wubec zy mie niebyły nadszóne. Tak żech tej jednej powiedzioł, że se mi strasznie podobo a prawie tymu bedym za nióm dzisio cały dziyń chodzić. A jeśli by mie pry niechciała. Óna że ni.



Mie to niewadzi. Może se przeca z nim skyrz mie rozynść. Pry abych jim doł pokój a szeł se siednyć kajsi wedle. Pry robim Polokóm yny ostude. Jo na to, żech nima Polok.

- A kim jesteś?

- Co ci po tym!

Przejechoł żech Attiki a wylóz z nimi aż po sztyróch zastawkach. Tyn synek jechoł dali. A tak żech szeł za nimi aż do roboty. A óne fórt:

- Odczep się!

A jo że ni, że se mogym robić co chcym. Óne uż po mie wrzeszczały a jo se yny uśmiychoł. Ani żech se nieuwiedomił, żech mioł być wlastnie w robocie. Jak uż mie miały fakt tak pełnóm rzić, że by na mie nejraczi zawołały policajtów, tak żech ich obie zastawił ze słowym:

- Stop!

A zablokowoł im ceste. Tak a teraz wóm potrzebujym cosi ważnego powiedzieć. Uż nierzwały odczep się ale:



- Ratunku!!!

A jo se yny uśmiychnył a powiedzioł im:

- Czau!

A odeszeł żech.



ROZHODNIYNCI

Yny że jak jo przijechoł na kwartyr, tak żech dziepro tam zjiścił, żech je w czudu. Ze somraczkóm żech ztracił jak foťák, tak klucze a chroniki karte na metro.

Co tu teraz robić?

Zkusim zónść do Romków. Wojtek pry nierobi, tak mi to można wyndzie. Chwała Bogu Wojtek był dóma. Zwerbowoł żech go na Faliro ku morzu. Po ceście mi było tak mizernie, żech wypił na jego utraty trzi Amstely z plechu. Na plażi żech usnył. Isto żech musioł spać strasznie dłógo, bo Wojtek se borok przi mie nudził a odeszeł. Zpocóny jak howado żech se obudził kole 14.00. Wlóz żech do wody, wylóz a zaś społ dali. Kapke mi to helfło. Dalszi spamiyntani było o 16.00. Serym na to! Idym na kwartyr a aj uż asi pojadym do chaupy. Rozmyśloł jo w metru. Był pyndziałek a jo mioł Athen tak akurat pełnóm rzić. Kareł odjyżdżo we sztwortek autobusym. Zkusim zwerbować Janka. A jeśli pojedzie aj ón, tak jadym definitiwnie. A można aj bez niego. Potkoł jo Rafa, jak se wracoł z roboty. Cosi jo zjod a poopowiadoł im swoje noczni a dzisiejszi story. Prziszeł Andrzej od Lutka za Karłym pojczać mu warhany. Karła ale niebyło dóma. Tak my wyrazili z Jankym a Andrzejym na mojóm prośbe spytać se na nadrażu skyrz tego foťáku. Po ceście my spotkali Filipa z Dymym. Ale w jakim był Dymo stawu! Szpinawy, strzapaty. Wyraz twarze, jak gdyby zdziwoczoł. Wydowoł hnusne skrzeki, jak jakisi zwiyrz. Samozrzejmie że był aj ożrały. Mówił z cesty, że ich sleduje mafia z letadel. Andrzeje sóm komandosi nasadzóni na ostrowie kontrarozvědkóm. Musi se dować pozór, bo go pry chce fórt gdosi zabić. Zawołoł se mie bokym a spytoł se na tego Andrzeja. Gdo to je? Aż mu niewierzimy, je to najisto mafian.

Dymo był fakt zdrzały na psychine. Twierdził nóm, że ci jego kamoszi, co umrzili w Trzyńcu, że to je howadzina. Aż se schwalnie przeswiedczimy a wykopiymy jejich groby. Najisto tam jejich pozustatki niebedóm. Bo najisto aj óni sóm we słóżbach mafie - aj choć niedobrowolnie. A tak żech widzioł Dyma wtedy ostatni roz. Bo odjechali z Filipym na ostrow. Eszcze że Filip szoferowoł. Ale stejnie to Dymowi niepómógło. O tym ale aż na kóniec.

Na nadrażu żech nienaszeł nic. Tak my se aspóń spytali, kiela stoji jizdenka do ČSFR. Pry 21000 Dr. No to je bómba. A autobus yny 16000 Dr. Tak to jadym raczi autobusym. Ku pewnymu rozhodniynciu nóm pómóg Andrzej.

- Dom się liczy na pierwszym miejscu! Jeżeli cię ciąngnie do domu a masz tę możliwość, to wyjeżdżaj!

A tak se rozhodnył aj Janek.



1   ...   26   27   28   29   30   31   32   33   ...   43


©absta.pl 2016
wyślij wiadomość

    Strona główna