To se jim zamówiało



Pobieranie 0.96 Mb.
Strona22/43
Data28.04.2016
Rozmiar0.96 Mb.
1   ...   18   19   20   21   22   23   24   25   ...   43

FILIP NA STAWBIE

Filip se w niedziele wieczór wrócił z ostrowa. Martin że pry mo robote u Kostasa na Eretrii. No a ón se mo obrócić na nas. Kareł dostoł od swojigo mastory wzkaz, że uż zaś majóm kszefty. Tak niewahoł a w pyndziałek rano jechoł za nim. Jednacze 7000 je o 1000 Dr. wiyncej niż 6000. Mie powiesił na kark Filipa a pry aż powiym Janysowi - to je Filip a ón tu beje teraz robić zamiast Karła. Jo wiedzioł, że to beje katastrofa, ale co. Pokusim se aspóń. Można mi to wyndzie. Metro, pieszo, athenski psiska. Wylóz jo z nim na sztworte piyntro.

- Kalimera! Afto ine Filip. Karole tora ochi dulja. Karole dulja draki. (stawio teraz krby)

Ja - to eszcze musim podotknyć, że Kareł se mi duszowoł, że Janys o wszeckim wiy, aj choć mi niebyło jasne zkiyl. Janys se Filipa na cosi spytoł. Tyn jak mu nierozumioł, tak Janys zacznył tak rzwać, że se mi zdało, że nas zabije obidwóch. Do fajróntu mi za to niechcioł pojczać kary. A Filip na mie:

- Ty víš co? Pojďme se ještě jednou zeptat.

- Ani boh! Ale počkej?!

Napadło mie, że u presy skónczili robote zymbaty Polok Stasiek a jego kolega Antek.

- Poczkej tu, jo se skoczim spytać mastory od pucówkorzi.

- Wybornie!

Mastora na to kiwnył, ale yny za 4500. Howado. Lepszi ale tak, niż se fórt zadłóżować. A tak drził Filip u presy też z jakimsi nowym Pakistancym. Óno to je stejnie dupne. We werku robi dwycet tysiyncy ludzi a wszecy se rozumióm a tu nas je na jednej stawbie trzeba yny dwacet a gotowy Babylon. Czech, Polok, Rus, Pakistaniec, Kurd, Iraczan, Kolumbijec, Rumun, Albaniec a niewiym gdo eszcze. Także zaś móm nowego kamosza na zpateczni cesty. Zmrzlina, piwo. Na Pireusu przed wstupym do metra se zaś powalowało na słóneczku isto dziesiynć przistawnich psów. Siwy dłógowłosy człowiek o ćmawej skurze nas oslowił, zkiyl my sóm. Ón był Ind. Uż tu bywo piynć roków. Pry czi my sóm żónaci? A czymu my niesóm? Uż my poznali, kaj zaś tymi otazkami smierzuje.

PAVEL

A do chaupy. Potym zaś do metra. Sem tam nawszczewa. Roz Romek przismycził wysokigo Pavla z Valmezu. Dobry synek jak hróm, yny kapke spyrczany. Ale zato dobrodruh. Wyjechoł przed rokym ze swojóm dzieuchóm a kamoszami na czunder stopym. Porwoł to przez Francie do Italie. Szifym do Rzecka. Tam mu zaczła ta jego dzieucha nabalować Rzeków. Tak se od tej partyjki targnył a tak se potuluje uż skoro rok po Rzecku. Cosi był na Krecie, cosi na Peloponezu. Jak uż nimo co żrać, tak se nóndzie robote. Jak mo prachi, tak zaś jedzie dali. Sem tam chynie denecháča w metru. Denecháč to je żebrok z tabulkóm, kiery siedzi na schódkach, albo kaj se do a wystawuje ludzióm nadpis: Parakallo, Ego denecho lefta (Prosím vás, já nemám peníze!). A dali ich pyto, aby mu dali aspóń na ceste zpatki do chaupy. Teraz momentalnie bywo na hostelu z jednym Polokym. Też tam je z nimi Nor, kiery pry fakt pije jako Nor a zarobio asi tak. Mo nastawióny budzik na 5.30. Idzie z tabulkóm do metra a wychytuje dawy ludzi do roboty. Na ubytowne se wróci o 10.00 a mo zarobiónych cca 6000 Dr. jak my nikierzi za szichte. Dobrze se też posłóchało, jak bywoł chwile z Polokami. Pry prziszeł jedyn z roboty a prawi:

- Szukam Wojtka!

- Do prdele, to snad není możné! To bydlím s buzerantem?!

Za chwile przidzie dalszi a prawi:

- Szukam Marka! Niewidziałeś go?!

- Kurva! Druhý buzerant!

W robocie zaś jakisi spolupracownik zagłosił:

- Szukam majstra!

Tyn uż mioł pocit, że co Polok, to homosexual. Doszło mu to, aż jakisi Polok, kierego wychynyli z roboty, zagłosił:

- Szukam pracy, nie wiesz o jakiej przypadkiem?

JANKÓW PAD

We sztwortek my uż byli wszecy dóma. Yny Janka niebyło. A to ón wdycki chodził z roboty miyndzy piyrwszimi. Boże! Prziszeł aż kajsi po 18.00, ale w jakim stawu? Nimóg skoro iść, był cały jakisi prziguszóny a stynkoł. W głowie pod włosami dziura. Filip mioł ze sebóm kapke lyków, tak mu tóm rane oszetrził a głowe owiónzoł. Janek musioł zebrać tabletki a zalegnył. Eszcze że ruszo rynkami aj nogami a żebra też wyglóndały w porzóndku. Yny aby niebyło jakisi wnitrzni krwaceni. To by było pómbóczku! Dostali my z niego asi to:

- Szeł żech z denekóm przez forzt, kiery był przełożóny przez wytahowóm szachte na drugim piyntrze a krzach! Złómoł se w połówce. Pad był dłógi. Dyć przez piyrwszi piyntro, przizemi, to je do piwnice dobrych szejść metrów.

Prawił, że go to musiało otoczić za tego letu o cosi wiyncej niż 360 stopni, bo dopadnył na pleca. A escze miyndzy rozbite betóny z kierych tyrczały dróty. Pry tam dziyń przedtym cosi sztymowali a to wszecko pospadowało nadół. Mówił, że gdyby ztracił wiedomi, tak to je jego kóniec. Bojowoł z tym a wrzeszczoł:

- Heeeelp!!!

Po dłógi dobie se mu podarziło stanyć a dobelhać se ku robotnikóm, kierzi jak go widzieli, tak se tymu eszcze zaczli śmioć a dobiyrać se go, kaj był. Jak jim wyświetlowoł, co se mu stało, tak tymu ani bardzo niechcieli wierzić. Pry by to nieprzeżił. Eszcze że mieli charakter a zasmyczili go na farmakieju. Tam se z nim ale też żodyn niesroł. Tu flojster, tetanówka a pakuj! Nic z tym niechcieli mieć społecznego. Howada! Eszcze że se czuł w pióntek kapanek lepi. To by był fakt humus, gdyby to nieprzeżił. W ostatnim dopisu mi segra pisała, że jego mama fórt płacze. Niedej Boże aby se Jankovi kajsi cosi stało. Że mi to bedóm wyczitać do śmierci. Aj choć w Boga niewierzim, tak żech se w duchu za niego modlił. Gdyby se niedej Boże cosi stało, tak bych asi tóm odwage jechać do Jabłónkowa ciynżko kajsi naszeł.



PAB

W pióntek prziszeł odjezd na ostrow. Czakała nas wielko pracownio akce - deka na Dymowej stawbie. Kromie Janka, Mariusza a Haliny my jechali wszecy. Co wszecy?! W dodatku eszcze prziszeł Pavel z Valmezu ze swojim kolegóm Markym. Był to muzykant. Pry groł przed tym, niż przijechoł do Rzecka, we warszawski kapeli Kult. Mioł za sebóm konzerwatorz na bymbny. O 18.00 my wyrazili. Yny jo, Kareł, Pavel a Marek autobusym do Oropi a na ferriboat. Tam my kupili po piwisku w plechówce a jak my ich dopili, tak my ich chynyli za sebie do morza z wykrzikym:

- Greenpeace!

Bawili my se o tym, gdo by se chcioł kaj w żiwocie podziwać a z Marka wylazło, że:

- Do Izraela! Dlatego że jestem Żydem.

A wiaróm, że je Budhista. Niejy miynso, yny owoce, zelenine, luštěniny, ryby a podobnie. Robiła sie krasno noc. Wylyźli my z łódki do przistawu a hned do suflaczarnie do sympatyckigo Nika. Amstel Bier, Camelki, Kalamaki me pita. Otoczili my to każdy po jednym razu. Wedle u stołu siedziały dwa jakisi indiwidua. Jedyn włosaty, fusaty, bez zymbów a tyn drugi taki typicki zjeb. Niesympatycki na piyrwszi pohled. Przichlist! Gdyby mi yny cosi mało zrobił, tak mu hned prewentiwnie strugnym. Pytali se nas, co my sóm za jacy. Tak my jim powiedzieli, że Czesi a Marek że je Polok. Moc nóm tych Czechów niechcieli wierzić. Pozwali nas ku stołu. Przedstawowaczka:

- Andrzej

- Andrzej.

Zaśmioli my se tymu. Chlastali Ricine. My z nimi. To je hnusne wino co kapke smerdzi smołóm. Ci dwo go pili bez rozumu. Norcy! Prziszeł zbytek partyje. Aj Martin, kiery uż tam wegecił tydziyń. Prawił, że tam dali je dobry pab, w kierym robióm ty Czeszki. Ale wlastnie uż tam je yny jedna, tyn zbytek pry uciyk. Pry se tam na nich robił tyn majitel nárok. A ta, co tam eszcze została, tak jóm se pry chce zebrać. Ale óna jego bardzo ni. Naroz jo se od synków urwoł a uż jo był u pabu. Za barym asi piynć koczek. Yny że same Polyny, tak żech se jich spytoł, czi tam nima z nimi náhodou jakosi Czeszka. Jeśli by mi jóm niezawołali. Prziszła. Koczka jak cyp. Zeznómili my se, ale miano uż niepamiyntóm. Pytóm se ji, jak dłógo tu je atd. Pry jeśli se niedóm drinka.

- Aj ja! A ty si taky dáš?

Że też. Tak tam cosi umiyszała a ťukli my se. Była kapanek nerwoznio. Asi tymu, bo jak se mi wienowała, tak se fórt otoczała ku dwiyrzóm a tam był tyn żarliwy rzecki majitel tego pabu a szkaredzie se na mie dziwoł. Odeszeł jo na zachod. Asi jo tam usnył, bo jak jo prziszeł zpatki, tak uż tam siedzioł Raf a zdupoł mie, kaj żech był, że za mie musioł zapłacić 1800 Dr. za dwa drinki, bo żech pry uciyk bez płacynio.

- To wiysz że ja! Jo uciekym bez płacynio a zaś se tu bedym wracać!

Kapke żech se na tóm Brňačke za to wytocził. Zpatki do suflaczarnie a pieszo na stawbe. Po ceście my eszcze chlastali Ricine z flaszki od CocaColy. Dobranoc, były aż kajsi dwie w nocy.





1   ...   18   19   20   21   22   23   24   25   ...   43


©absta.pl 2019
wyślij wiadomość

    Strona główna